ԺԱՄԱՆԱԿ. "Մըգստին" սպանողը համաներմամբ ազատ արձակվեց

Քրեական աշխարհում «Մըգստ» մականունով հայտնի Մհեր Պողոսյանի եւ Արտաշես Համբարձումյանի սպանության գործով որպես մեղադրյալ ներգրավված եւ Ուկրաինայում ապրող բիզնեսմեն Վարդան Գեւորգյանը, որին քրեական աշխարհում ճանաչում են Հայկո անունով, հունիսի 9-ին համաներմամբ ազատ է արձակվել:

Հիշեցնենք, որ ըստ ՀՀ գլխավոր դատախազության հաղորդագրության` Վ. Գեւորգյանը 15. 02. 2007թ., ժամը 03:45-ի սահմաններում, Երեւանի Տերյան փողոցի 105/1 հասցեում գտնվող «Ռելաքս» դիսկո-ակումբի սրահում վիճաբանել էր Մհեր Պողոսյանի եւ Արտաշես Համբարձումյանի հետ: Վեճի եւ քաշքշոցի ընթացքում Վարդան Գեւորգյանն իր մոտ օրինական հիմքերով գտնվող «Վիկինգ» տեսակի 9 մմ տրամաչափի ատրճանակից կրակոցներ է արձակել Մհեր Պողոսյանի եւ Արտաշես Համբարձումյանի կյանքի համար կենսական նշանակություն ունեցող օրգանների` գլխի եւ կրծքավանդակի շրջանի ուղղությամբ եւ զրկել նրանց կյանքից:

Վարդան Հակոբյանին սկզբում մեղադրանք էր առաջադրվել երկու եւ ավելի անձանց հանրորեն վտանգավոր եղանակով սպանելու համար, այնուհետեւ մեղադրանքը վերաորակվել էր որպես անհրաժեշտ պաշտպանության անցումով կատարված սպանություն: