Հաջորդ հանդիպումը` ԱՄՆ-ում

«Մեծ ութնյակի» հաջորդ գագաթաժողովը կհրավիրվի 2012 թվականին ԱՄՆ-ում. նշված է Դովիլում կայացած գագաթաժողովի ամփոփիչ հռչակագրում:

Գագաթաժողովը մեկնարկել էր մայիսի 26-ին, օրակարգի զգալի մասը նվիրված էր Ճապոնիայում տեղի ունեցած ավերիչ երկրաշարժին եւ արաբական երկրներում ստեղծված իրավիճակին։ Բացի այդ, գագաթաժողովի շրջանակներում Ռուսաստանի, ԱՄՆ-ի եւ Ֆրանսիայի նախագահները Ղարաբաղյան հակամարտության կարգավորման վերաբերյալ համատեղ հայտարարություն էին ընդունել։

«Մեծ ութնյակի» կազմում են Ռուսաստանը, ԱՄՆ-ը, Մեծ Բրիտանիան, Ֆրանսիան, Ճապոնիան, Գերմանիան, Կանադան եւ Իտալիան։ Այդ երկրներին բաժին է հասնում համաշխարհային արտահանման` 49, արդյունաբերության` 51, ԱՄՀ ակտիվների` 49 տոկոսը։