Քիշնևում ավարտվեց հնգակողմ հանդիպումը. Փաշինյան-Ալիև-Միշել հաջորդ հանդիպումը տեղի կունենա հունիսի 21-ին

Նիկոլ Փաշինյանի, Ադրբեջանի նախագահ Իլհամ Ալիևի, Եվրոպական խորհրդի ղեկավար Շառլ Միշելի մասնակցությամբ հաջորդ հանդիպումը տեղի կունենա Բրյուսելում՝ հունիսի 21-ին։ Այս մասին Քիշնևում տեղի ունեցած հնգակողմ՝ Փաշինյան-Ալիև-Միշել-Մակրոն-Շոլց  հանդիպումից հետո հայտարարել է Եվրոպական խորհրդի ղեկավար Շառլ Միշելը։

Հիշեցնենք, որ այսօր մոլդովայում Եվրոպական քաղաքական համայնքի երկրորդ գագաթնաժողովի շրջանակներում կայացել է  Նիկոլ Փաշինյանի, Եվրոպական խորհրդի նախագահ Շառլ Միշելի, Ֆրանսիայի նախագահ Էմանուել Մակրոնի, Գերմանիայի կանցլեր Օլաֆ Շոլցի և Ադրբեջանի նախագահ Իլհամ Ալիևի մասնակցությամբ հնգակողմ հանդիպումը: Հանդիպումը տևել է մոտ 1 ու կես ժամ:

Նշենք նաև, որ Քիշնևում տեղի է ունեցել նաև Միրզոյան-Բայրամով ոչ պաշտոնական հանդիպում աշխատանքային ճաշի սեղանի շուրջ։