Ամենաերիտասարդ միապետը որոշել է ամուսնանալ

Բութանի 31-ամյա թագավոր Ջիգմե Կխեսար Նամգյալ Վանգչուկը երկրի խորհրդարանի նիստում հայտարարել է, որ պատրաստվում է ամուսանալ 21-ամյա ուսանողուհի Ջե Ցուն Պեմայի հետ։

«Չնայած իր երիտասարդ տարիքին` նա բարի է ու սիրալիր։ Ես որոշել եմ, որ մեր հարսանիքը տեղի կունենա այս տարի»,- հայտարարել է թագավորը։

Տեղական Kuensel թերթի տեղեկություններով` թագավորի հարսնացուն հասարակ ընտանիքից է, սովորում է Լոնդոնի քոլեջներից մեկում։

Աշխարհի ամենաերիտասարդ միապետ համարվող Ջիգմե Կխեսար Նամգյալ Վանգչուկը սովորել է Օքսֆորդի համալսարանում, գահը ժառանգել է հորից` 2006 թվականին: Թագավորելու տարիներին լրջորեն բարեփոխել է երկրի քաղաքական կառուցվածքը` հրաժարվել է բացարձակ միապետությունից հօգուտ սահմանադրական պետության: