Ռուբեն Հայրապետյանի ֆեյսբուքյան արկածները

Ֆեսբուքյան թեման թե'  լրատվամիջոցների և թե' ժողովրդի համար թեժ քննարկման առարկա է դարձել, հատկապես` այն բանից հետո, երբ պետական պաշտոնյանները գրանցվեցին այս սոցիալական ցանցում:

ՀՀԿ պատգամավոր Ռուբեն Հայրապետյանը նույնպես անմասն չմնաց դրանից. «Ես չեմ տիրապետում «Ֆեյսբուքին», բայց եթե դա կհեշտացնի շփումն ու աշխատանքը, ապա հենց հիմա կհրահանգեմ զբաղվել դրանով»: Եվ հրահանգեց:

Անդրադառնալով ԱԺ նախագահ Հովիկ Աբրահամյանի` «Ֆեյսբուքում» արած հայտարարությանը, որ բացակայող պատգամավորների հանդեպ պատիժ կկիրառի` աշխատավարձի պահում, Ռ. Հայրապետյանն ասաց. «Եթե խոսքը վերաբերում է ինձ պատժելուն, ապա մարդկանց խորհուրդ չեմ տա դա անել, որովհետև ով փորձել է` նրա հետ վատ բան է եղել»: ՀՀԿ պատգամավորը, սակայն, ողջունեց ԱԺ նախագահի որոշումը:

Ինչ վերաբերում է հաջորդ ԱԺ ընտրություններին թեկնածություն առաջադրելուն, ապա Հայրապետյանը համարում է, որ դա իր տեղը չէ, և եթե իրեն մնա, ապա ամեն ինչ կանի` չմասնակցելու համար: