ՀՐԱՊԱՐԱԿ. Բանակում պատահարները շատ են, կոչումների հույս չունենաք

Այս տարի հունվարի 28-ին` Հայոց բանակի օրը, որոշ զինվորականներ ակնկալել են, որ իրենց կոչումներ եւ պարգեւներ են տալու, սակայն նրանց է փոխանցվել Սերժ Սարգսյանի պատասխանը` «Բանակում պատահարները շատ են, կոչումների հույս չունենաք»:

Պաշտպանության նախարարության համակարգում զինվորականներին հանգստացրել են, թե` ոչինչ, կստանաք սեպտեմբերի 21-ին` Անկախության օրը: Չէ որ այս տարի կլոր տարեդարձ է` 20 տարի:

Նախատեսվում է նաեւ, որ այդ օրը շքեղ զորահանդես է լինելու, որի ժամանակ աշխարհին ու, հատկապես, մեր հակառակորդներին ցուցադրվելու է մարտական հզոր տեխնիկա:

Այսօրվանից ՊՆ-ում արդեն զորահանդեսին են պատրաստվում: