Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 13 տարի առաջ - 2011-03-25 22:17
Աշխարհ

ՆԱՏՕ-ն հսկելու է Լիբիայի օդային տարածքը

ՆԱՏՕ-ն հսկելու է Լիբիայի օդային տարածքը

Լիբիայի օդային տարածքի հսկողությունը միջազգային կոալիցիոն ուժերից անցնում է ՆԱՏՕ-ին: Այդ որոշումն ընդունվել է ՆԱՏՕ-ի անդամ երկրների վեցօրյա բանակցությունների արդյունքում:

ՆԱՏՕ-ի գլխավոր քարտուղար Անդերս Ֆոգ Ռասմուսենը հայտարարել է, որ ՆԱՏՕ-ի բոլոր անդամները հակված են ՄԱԿ-ի բանաձևի շրջանակներում պարտականությունների կատարմանը. «Մենք քայլեր ենք ձեռնարկում լիբիացիներին Քադաֆիի հարձակումներից պաշտպանելու համար»:

Բացի այդ` ՆԱՏՕ-ի անդամ երկրների ռազմածովային ուժերն իրենց վրա են վերցրել Լիբիային զենք մատակարարելու հարցում սահմանված էմբարգոն ապահովելու պատասխանատվությունը։

Մարտի 17–ին ՄԱԿ–ի Անվտանգության խորհուրդը Լիբիայի վերաբերյալ բանաձև ընդունեց, որով նախատեսվում է Լիբիայում ոչ թռիչքային գոտի հաստատել, ինչպես նաև «անհրաժեշտ միջոցառումները ձեռնարկել» Լիբիայի առաջնորդ Մուամար Քադաֆիի զորքերից երկրի խաղաղ բնակիչներին պաշտպանելու համար:

Այդ նպատակով գործողությունները սկսվել են մարտի 19-ին, դրանց մասնակցում են ԱՄՆ-ը, Մեծ Բրիտանիան, Ֆրանսիան, Իտալիան, Կանադան, Դանիան, Բելգիան, Իսպանիան։

Լիբիայի պաշտոնական լրատվամիջոցների հաղորդմամբ, սակայն, կոալիցիայի հարվածներից զոհվել են հենց խաղաղ բնակիչներ:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը