Արեւմուտքի ռազմական գործողությունը` Լիբիայում

Մարտի 19-ին Ֆրանսիայի, Մեծ Բրիտանիայի եւ ԱՄՆ-ի ռազմաօդային ուժերը սկսել են ռմբակոծել Լիբիայի առաջնորդ Քադաֆիի կողմնակիցների հսկողության տակ գտնվող շրջանները: Տրիպոլիում ավիառմբահարումից հիմնովին ավերված շենքը եղել է Քադաֆիին ենթակա զինված ուժերի հրամանատարական կետը:

Ավելի վաղ ԶԼՄ-ները հայտնել էին, թե ռմբակոծվել է լիբիացի առաջնորդի նստավայրի շենքերից մեկը: ԱՄՆ իշխանությունները հայտարարել են, որ շենքը ռմբակոծել է բրիտնական ՌՕՈՒ-ն: ԱՄՆ ՌՕՈՒ-ն ռմբակոծել է Լիբիայի ամենամեծ օդանավակայանը:

Հրթիռա- եւ ավիառմբահարումներից մարտի լույս 20-ի գիշերը, Լիբիայի իշխանությունների տվյալներով, զոհվել է 48, վիրավորվել՝ 150 մարդ: Ըստ լիբիացի զինվորականների՝ զոհվել են հիմնականում ծերեր, կանայք եւ երեխաներ: