ԱՄՆ ազգային անվտանգության խորհուրդը կոչ է անում վերջ տալ Լիբիայում ռազմական գործողություններին

ԱՄՆ ազգային անվտանգության խորհուրդը լիբիական հակամարտության կողմերին կոչ է արել շարունակել բանակցությունները և դադարեցնել ռազմական գործողությունները:

«ԱՄՆ-ն կտրականապես դեմ է Լիբիայում ռազմական էսկալացիային բոլոր կողմերից: Մենք կողմերին կոչ ենք անում վճռականություն ցուցաբերել հրադադար հայտարարալու ուղղությամբ և անհապաղ վերսկսել բանակցությունները: Մենք պետք է հիմնվենք Կահիրեի նախաձեռնության և Բեռլինի գործընթացի շրջանակներում ձեռք բերված առաջընթացների վրա», - ասվում է վարչության Twitter-ի հայտարարության մեջ:

Լիբիայում առճակատումը շարունակվում է Ազգային համաձայնության կառավարության ղեկավար Ֆայեզ Սարջի, որը վերահսկում է Տրիպոլին և երկրի արևմուտքում գտնվող տարածքները, և Լիբիայի ազգային բանակի ղեկավար Խալիֆա Հաֆթարի միջև։

Կահիրեում, հունիսի 6-ին, Եգիպտոսի նախագահը հանդիպել էր Հաֆթարի հետ: Հանդիպումից հետո Եգիպտոսի ղեկավարը հայտարարեց «Կահիրեի նախաձեռնությունը», որն իր մեջ ներառում է հունիսի 8-ից Լիբիայի ամբողջ տարածքում հրադադարի ռեժիմը և քաղաքական կարգավորման պայմանները: Նախաձեռնությանը աջակցել են Ռուսաստանը, ԱՄՆ-ը և արաբական մի շարք պետություններ, ներառյալ Սաուդյան Արաբիան և ԱՄԷ-ն: ԼԱՀԿ-ն և Թուրքիան դեմ են։