Րաֆֆի Հովհաննիսյանը հացադուլ է հայտարարել

«Ժառանգության» բաց համաժողովի ժամանակ կուսակցության հիմնադիր նախագահ Րաֆֆի Հովհաննիսյանը հայտարարել է, որ այսօրվանից հացադուլ է սկսել: Նա նշել է, որ իր հացադուլը կարելի է վերնագրել «Ծոմ ազատության», նաեւ ասել է, որ ինքը ցանկանում է «այդ մեծ փորձությունից առաջ ընտանիքի հետ առանձնանալ»:

«Ժառանգությունն» իր սխալներով հանդերձ` միշտ պայքարել է Հայաստանի եւ հայ ժողովրդի իրավունքների համար եւ կշարունակի նույն կերպ՝ մինչ կհասնի քաղաքական արդյունքի, եւ Հայաստանում ժամացույցը հնչի արդարության կանչով»,- ասել է Րաֆֆի Հովհաննիսյանը:

Ի դեպ` Րաֆֆի Հովհանիսյանը համաժողովին ներկայացել էր նոր իմիջով` առանց բեղերի: «Մի քանի սպիտակ մազեր կային մորուքիս մեջ, և ես թրաշեցի: Գուցե թարմանալու, երիտասարդանալու, նորովի լինելու կարի՞ք կա»,- ասել է նա: