Ադիբեկյանը Հայաստանի ընտրողներին խմբերի է բաժանել

«Սոցիոմետր» սոցիոլոգիական կենտրոնի ղեկավար, սոցիոլոգ Ահարոն Ադիբեկյանը Հայաստանի ընտրողներին բաժանում է երեք խմբի` 39 տոկոս կազմող իշխանամետ, 26 տոկոս` բողոքավորներ եւ 35 տոկոս` մերժողներ:

Այսօր լրագրողների հետ հանդիպման ժամանակ նա ներկայացրեց, թե այս երեք խմբերից ով ում օգտին կքվեարկի:

Ադիբեկյանի պնդմամբ` իշխանամետ զանգվածում միայն նրանք չեն, ովքեր իրենց ձայնը կտան գործող իշխանությանը: Այս խմբում են նաեւ այն մարդիկ, ովքեր պատրաստ են ձայն տալ նրանց, ում ցանկանում են իշխանություն տեսնել: 

«Բողոքավոր դաշտի» մի մասը ո'չ ՀԱԿ-ին, ո'չ ՀՅԴ-ին, ո'չ էլ «Ժառանգությանը» ձայն չի տա, քանի որ նրանք դեռ սպասում են իրենց Մովսեսին»,- ասաց Ադիբեկյանը: