ՀԱՅԿԱԿԱՆ ԺԱՄԱՆԱԿ. Էլի թանկացումներ

Երեկ առավոտյան ալյուրի մեծածախ վաճառողներն իրենց հաճախորդներին մեկ` 50 կիլոգրամանոց պարկով այլուրը մատակարարել են 15 հազար 200 դրամով: Ընդամենը անցած շաբաթ մեկ պարկ ալյուրի գինը 12 հազար 500 դրամ էր:

Դրան զուգահեռ երեկ Երեւանի խանութներում թանկացել է նաեւ հացը` միջինը 20-25 դրամով:

Ահազանգեր են ստացվում նաեւ, որ մատակարարները խանութպաններին զգուշացրել են ձեթի, կարագի եւ շաքարավազի մոտալուտ թանկացման մասին: Մատակարարները դա բացատրել են նշված ապրանքների միջազգային գների բարձրացմամբ:

Բացի այդ, մեծ դեր է խաղում նաեւ դրամի արժեզրկման սպասումը: Այս շաբաթ ֆոնդային բորսայի գործարքներով, դրամն անցած շաբաթվա համեմատ, արժեզրկվել է` մեկ դոլարը երեկ վաճառվել է 365 դրամ 75 լումայով: