Ստորագրվել է hայ-գերմանական պաշտպանական գործակցության պլան

ՀՀ պաշտպանության նախարար Սեյրան Օհանյանն այսօր ընդունել է ՀՀ-ում Գերմանիայի արտակարգ եւ լիազոր դեսպան Հանս-Շոհան Շմիթին: Քննարկվել են պաշտպանության ոլորտում հայ-գերմանական համագործակցությանն առնչվող հարցեր:

ՀՀ պաշտպանության նախարարը բարձր է գնահատել Գերմանիայի հետ պաշտպանության ոլորտում համագործակցության մակարդակը` նշելով, որ համագործակցությունը հատկապես աշխուժացել է` Աֆղանստանում գերմանական խաղաղապահ ուժերի հրամանատարության ներքո հայկական խաղաղապահ զորախմբի առաքելության արդյունքում:

Հանդիպման ավարտին ստորագրվել է ՀՀ պաշտպանության նախարարության եւ ԳԴՀ դաշնային պաշտպանության նախարարության միջեւ 2011 թվականի երկկողմ համագործակցության պլանը: