Apple-ը բնության աղտոտման մասին չի մտածում

Չինաստանում 36 ընկերություններից բաղկացած բնապահպանների խումբը հայտարարել է, որ ամերիկյան Apple կորպորացիան ամենաանպատասխանտուն է` բնության, շրջակա միջավայրի աղտոտման հարցերում: Ինչպեսեւ բավարար չափով հոգ չի տանում իր` չինական գործարաններում աշխատող մարդկանց առողջության մասին:  

Ինչպես գրում է Financial Times պարբերականը, չինացի բնապահպաններն իրենց երկրում գործող ընկերությունների ռեյտինգային ցուցակ են կազմել: Ցուցակում նշված է, թե որ ընկերություններն ինչ չափով են իրենց գործունեության ընթացքում փորձում չաղտոտել բնությունը:

29 ընկերությունների ցուցակում հայտնի iPod-ը , iPad-ը եւ iPhone-ն արտադրող ընկերությունը զբաղեցրել է վերջին տեղը:

Բնապահպանության խնդիրներով քիչ թե շատ մտահոգվող ընկերություններ են համարվել համակարգիչներ արտադրող HP-ն, հեռահաղորդակցության պրովայդեր British Telecom-ը, նաեւ Alcatel-Lucnet, Vodafone, Samsung, Toshiba, Sharp եւ Hitachi ընկերությունները:

Իսկ բացի Apple-ը, շրջակա միջավայրի պահպանության օրենքը խախտողների շարքում են հայտնվել նաեւ Nokia-ն, LG-ն, SingTel-ը, Sony Ericsson-ը: