ԱԼՄ-ի կարապի երգը

Այսօր ԱԼՄ հեռուստաընկերության եթեր հեռարձակման վերջին օրն է: Տիգրան Կարապետյանից տեղեկացանք, որ եթերում այսօր առավելապես կցուցադրվեն վերջին օրերին կուսակցության կազմակերպած հանրահավաքների տեսագրությունները, իսկ օրվա վերջում եթերում կլինի կրկին հեռուստաընկերության ղեկավարը` ժողովրդին եթերից հավուր պատշաճի հաջողություն մաղթելու եւ արդեն հանրահավաքներին տեսնելու նպատակով:

Հիշեցնենք, որ երեկվա հանրահավաքում հեռուստաընկերության տնօրենն ու Ժողովրդական կուսակցության ղեկավարը 15 կետից բաղկացած վերջնագիր է ներկայացրել իշխանություններին ու նշել, որ եթե իշխանությունները կտրուկ քայլեր չձեռնարկեն` փոխելու ստեղծված իրավիճակը, ապա հաջորդ հանրահավաքում ԺԿ-ն կոչ կանի գնալ արտահերթ խորհրդարանակն եւ նախագահական ընտրությունների: