ԵՐԿԻՐ. Պատիվ ու քանակ

Դեկտեմբերի վերջին կայացան ՀՀ ԳԱԱ անդամների ու թղթակից անդամների հերթական ընտրությունները, որոնք վերստին փաստեցին քվեարկությամբ «գիտնական» ընտրվելու ողջ պերճանքն ու  թշվառությունը: Ինչպես միշտ, «ընտրություններ» կոչվող գործընթացին հետահայաց շրջանառվում են տարատեսակ խոսակցություններ այս կամ այն «թեկնածուի» որդեգրած նախընտրական մարտավարության վերաբերյալ: Ըստ խոսակցությունների` ոմանք այդ ընտրություններում` իբրեւ փաստարկ ներկայացրել էին իրենց պատկառելի գիտական վաստակն ու հեղինակությունը, ոմանք էլ... փողի քսակն ու ճարպկությունը:


Տեղեկություններ կան, որ խիստ ունեւոր թեկնածուներից մեկը մինչեւ 300.000 դոլար է ծախսել` ակադեմիկոսի բաղձալի տիտղոսն ունենալու ու այդ կոչումով իր դիրքերն ամրապնդելու համար: Պատմում են, որ սույն անձը քվեարկողներից ոմանց վճարել է ոչ միայն իր օգտին, այլեւ` մրցակիցների դեմ քվեարկելու համար: Սակայն նույն լուրերի համաձայն, գիտության կաճառի ոչ բոլոր այրերն են կուլ գնացել գայթակղությանը ու վճռականորեն ոչ են ասել փողի ուժով ակադեմիկոսի ցմահ պատվովճար ձեռքբերել ցանկացող  սուբյեկտին:



Թերեւս արժանին պետք է հատուցել պատիվն ու գիտնականի խիղճը 30 արծաթից գերադասող ակադեմիական այրերին: