ԺԱՄԱՆԱԿ.Անձամբ Տիկոյի խնդրանքով

Ինչպես հայտնի է, այս տարի Կոնգրեսի տնտեսական հանձնաժողովի կողմից ներկայացված "100 քայլ" ծրագիրն ու առողջապահության ոլորտին առնչվող ծրագրերը հետաքրքրել էին նաեւ միջազգային կառույցներին. մասնավորապես` Համաշխարհային բանկին, USAID-ին: Պարզվել է, սակայն, որ այդ հանգամանքը բավականին ջղայնացրել է իշխանություններին, ովքեր որոշել էին ամեն ինչ անել` այդ ծրագրերի հնարավոր բոլոր քննարկումները կասեցնելու համար: Այսպես, մեր տեղեկություններով, վարչապետ Տիգրան Սարգսյանն անձամբ է խնդրել միջազգային կառույցների ներկայացուցիչներին չքննարկել այդ ծրագրերը, քանի որ դա վիրավորում է ՀՀ իշխանություններին: Ի դեպ, այս խնդրանքը մեր տեղեկություններով, բավականին զարմացրել է միջազգային կառույցների ներկայացուցիչներին, ովքեր մասնավոր զրույցներում եւ հանդիպումներում չեն զլացել պատմել Տիգրան Սարգսյանի խնդրանքի մասին: