Նախագահի երկու թեկնածուներին ազատ են արձակել

Բելառուսում ձերբակալված նախագահական թեկնածուներից երկուսն ազատ են արձակվել:

Ազատ արձակված թեկնածուներից Գրիգորի Կոստյուսևը ասել է, որ նրան ՊԱԿ-ում (КГБ) են պահել: Իր պատմելով՝ նրան ֆիզիկական բռնության չեն ենթարկել, բայց դրա փոխարեն «ծանր հարցաքննման» են ենթարկել:

 «Նրանք ցանկանում էին, որ հրապարակավ դատապարտեմ իմ գործընկերներին... բայց երբ հրաժարվեցի դա անել, ինձ ազատ արձակեցին»,- ասել է նա:

Նա նաև ասել է, որ նախագահի թեկնածու Դմիտրի Ուսսին նույնպես ազատ են արձակել:

Մյուս թեկնածուներ Վլադիմիր Նեկլյաևը, Անդրեյ Սանիկովը, Նիկոլայ Ստատկեվիչը, Վիտալի Ռիմաշեվսկին, Ալես Միխալեվիչը դեռ ձերբակալված են: