Ադրբեջանը ազատ է արձակել երկու իրանցի վարորդներին

Իրանական երկու բեռնատարների՝ Ադրբեջանի ոստիկանության կողմից բերման ենթարկված վարորդներն ազատ են արձակվել հոկտեմբերի 21-ին եւ ուղարկվել Իրան: Այս մասին հայտնում է Ադրբեջանի պետական մաքսային կոմիտեի մամուլի ծառայությունը:

Ադրբեջանը վարորդներին մեղադրվում էր մաքսանենգության մեջ: Հաղորդվում էր, որ նրանք իբր փորձել են շրջանցել մաքսակետերը՝ Հայաստանից բեռը Ստեփանակերտ հասցնելու համար: Ձերբակալվածների նկատմամբ քրեական գործ էր հարուցվել:

Ըստ Ադրբեջանի մաքսայինի մամուլի ծառայության` ձերբակալվածներն ազատ են արձակվել Բաքվի եւ Թեհրանի պայմանավորվածության արդյունքում։

Հիշեցնենք, որ իրանցի վարորդները բերման էին ենթարկվել սեպտեմբերի 15-ին։ Նրանք ապրանքներ էին տեղափոխում Հայաստանի Սյունիքի մարզի Գորիս-Կապան ավտոճանապարհով: Վարորդները բերման են ենթարկվել ճանապարհի այն հատվածում, որը հանձնվել է Բաքվի վերահսկողությանը ՀՀ իշխանությունների կողմից: