Եվրատեսիլ – 2011. Երգի ընտրության համար Հ1-ը հայտարարում է մրցույթ

2011-ին Գերմանիայի Դյուսելդորֆ քաղաքում կայանալիք Եվրատեսիլ - 2011 երգի մրցույթում Հայաստանի պատվիրակության ղեկավար է նշանակվել Գոհար Գասպարյանը: Նա կփոխարինի Դրանա Մնացականյանին:

Հայաստանի Հանրային հեռուստատեսության տարածած հաղորդագրության մեջ նաեւ նշվում է, որ Եվրատեսիլ-2011 երգի մրցույթում Հայաստանը կներկայացնի երգչուհի Էմմին:

Երգի ընտրության համար Հայաստանի հանրային հեռուստաընկերությունը հայտարարում է մրցույթ:

Ըստ Եվրոպական հեռարձակողների միության Եվրատեսիլին մասնակցող երգը (երաշժտությունն ու խոսքերը), պետք է լինի նոր եւ հնչած չլինի մինչեւ 2010-ի հոկտեմբերի 1-ը: Այն պետք է զերծ լինի քաղաքական եւ կոմերցիոն ենթատեքստից եւ հաղորդի միայն դրական էմոցիաներ: Որպես հեղինակային իրավունքի օբյեկտ երգը պետք է չտարածվի որեւէ կրիչով, համացանցում, հեռուստատեսային եւ ռադիո եթերում, վաճառքի կամ այլ հեղինակային իրավունքի փոխանցման այլ եղանակով:

Երգի տեւողությունը չպետք է գերազանցի 3 րոպեն: Հանրային հեռուստաընկերությունը հայտերն ընդունվում է մինչեւ 2011-ի հունվարի 15-ը: