Մոսկվան վախենում է միջէթնիկական ընդհարումներից

Մոսկվայի Կիեւսկի կայարանի ու «Եվրապեյսկի» առեւտրի համալիրի միջեւ ընկած հարապարակը շրջափակել են ոստիկանության ջոկատի հատուկ նշանակության (OMOH) մարտիկները:

Այնինչ ИнтерФакс-ը հաաղորդել էր, թե ոստիկանության թվի ավելացում չի նկատվում Կիեւսկի կայարանի մերձակայքում:РИА Новости-ի տվյալներով, «Եվրապեյսկիի» մոտ 10 ոստիկանական ավտոմեքենա եւ OMOH-ի երեք ավտոբուս է կանգնած:

Վերջին օրերին Կիեւսկի կայարանին հարող հարապարակը ԶԼՄ-ներում շրջանառվում էր իբրեւ հյուսիսկովկասցիների հնարավոր ելույթների վայր՝ ի պատասխան դեկտեմբերի 11-ին Մանեժնայա հրապարակում հավաքված «էթնոհանցագործության» դեմ չթույլատրված միտինգի, որին հետեւեցին հարձակումներ կովկասցիների ու միջինասիացիների վրա Մանեժնայա հրապարակում եւ մայրաքաղաքի մետրոյի կայարաններում: 

Շուտով, միտինգից հետո, ինտերներտում լուրեր տարածվեցին դեկտեմբերի 15-ին Կիեւսկի կայարանի մոտ պատրաստվող պատասխան գործողության մասին: Ենթադրվում էր նաեւ, որ Մանեժնայա հրապարակում զանգվածային անկարգությունները կշարունակվեն նաեւ դեկտեմբերի 12-ին: Ոստիկանությունը շուրջկալեց հրապարակը, կիրակի օրը բախումներ չեն արձանագրվել Մոսկվայի կենտրոնում:

Մանեժնայա հրապարակի միտինգին մասնակցել էր ավելի քան 5 հազար մարդ: Միտինգի անցկացման պաշտոնական պատճառը «Սպարտակի» ֆուտբոլասեր Եգոր Սվիրիդովի սպանությունն էր դեկտեմբերի 6-ին հյուսիսկովկասցիների հետ ծեծկռտուքում: Միտինգից հետո, որը վերաճեց զանգվածային անկարգությունների եւ ոստիկանության հետ բախումների, 7 մարդ հոսպիտալացվել է, իսկ տուժածների ընդհանուր թիվը հասել է 32-ի: Նրանց թվում նաեւ երկու հայ պատանիներ կան: