Հայաստանի ռևանշիստական ուժերից ամենաշատը վախենում են երկու մարդ` Իլյհամը և Նիկոլը. Արտակ Զաքարյան

ՀՀ պաշտպանության նախկին նախարար Արտակ Զաքարյանը ֆեյսբուքյան իր էջում գրում է․

«Հայաստանի ռևանշիստական ուժերից ամենաշատը վախենում են երկու մարդ` Իլյհամը և Նիկոլը: Խիստ տրամաբանական վախեր են:

Նիկոլը վախենում է, որովհետև կորցնելու է իշխանությունը և բացահայտվելու է հայրենիքի դեմ գործած իր քաղաքական հանցանքների ողջ ծավալը: Արդյունքում` պարզ է, թե ինչ է լինելու:

Իլհամ Ալիևը վախենում է, որովհետև կորցնելու է իր ազդեցությունը Հայաստանի վրա և գործ է ունենալու իրավիճակը հոգուտ Հայաստանի փոխելու, և զարգացումները հետ շրջելու ունակ ուժերի հետ: Նա հասկանում է, որ ապագայում հավանական է լինեն այնպիսի գլոբալ զարգացումներ, որի պարագայում, ազգային շահերով առաջնորդվող ՀՀ-ն կկարողանա հետ պտտել պատմության անիվն ու Ադրբեջանին նորից կանգնեցնել կոտրած տաշտակի առաջ: Նման իրավիճակ 90-ականներին արդեն եղել է:

Ազերիներին օդ ու ջրի պես պետք է Փաշինյանը, որպես դավաճանության, Հայաստանը ներսից պառակտելու, թույլ ու տկար պահելու, ազգանպաստ գործեր չձեռնարկելու, կեղծիքով մարդկանց հիմարացնելու և կապիտուլյացիայի պատրաստ կերպար:

Հետևաբար պաշտոնական Բաքուն իր բոլոր ելույթներում շարունակելու է քննադատել Հայաստանի ընդդիմությանը` մեղադրելով վերջինիս ռևանշի մեջ: Իսկ կապիտուլյանտ Փաշինյանին ատամներով են պահելու` մինչև Հայաստանի պետականության վերջին շունչը: Նիկոլի միջոցով նրանք սպանելու են հայոց պետականության ու հայ ժողովրդի անվտանգության բոլոր շանսերը:

Ասվածիս համար փաստեր շատ կան, բայց լավագույն ապացույցը` նոյեմբերի 9-ն է»: