Փաստաբաններն ու նոտարները պատրաստ են գործադուլի

Փաստաբանների պալատում այսօր քննարկման էր դրվել «Հսկիչ-դրամարկղային մեքենաների կիրառման մասին» օրենքում լրացումներ եւ փոփոխություններ կատարելու մասին» ՀՀ օրենքի նախագիծը:

Պետական եկամուտների կոմիտեի համապատասխան ներկայացուցիչը չէր եկել, ինչը, Փաստաբանների պալատի նախագահի տեղակալ Արա Զոհրաբյանի կարծիքով, օբյեկտիվ կարծիքներ հայտնելու մթնոլորտ է ստեղծում: Ըստ օրինագծի` ՀԴՄ տեղադրման եւ կիրառման պարտականություն պետք է ստանձնեն նաեւ փաստաբանական եւ նոտարական ծառայություններ իրականացնող անձինք:

Փաստաբանների պալատը դեմ է օրինագծի ընդունմանը հետեւյալ հիմանավորմամբ. «Հակասում է ՀՀ Սահմանադրության 1-ին եւ 20-րդ հոդվածի պահանջներին, չի լուծում օրենքով նախատեսված նպատակը, ուղղակիորեն վտանգում է փաստաբանի նակախությունը եւ կարող է խախտել փաստաբանական գաղտնիքի պահպանման իրավունքը»:

Եթե Ազգային ժողովը չընդունի օրինագծի մերժման Փաստաբանների պալատի հիմնավորումները, իրենք պատրաստ են նունիսկ գործադուլի:

Հարկային իրավունքի մասնագետ Նիկոլայ Հակոբյանի համար նույնպես տարօրինակ է օրենքում կատարվելիք փոփոխությունը. «Երբ որ ՀԴՄ ես գնում խանութից, հարկայինում գրանցում ես, չէ՞. դրա համար պետք է գրանցման վայր ունենալ: Փաստաբանի գրանցման վայրը ո՞րն է»: