Ասանժին մերժել են գրավով կալանքից ազատվելու իր խնդրանքը

Անգլիայում դատարանի առջև կանգնած Ջուլիան Ասանժին մերժել են գրավով ազատվել կալանքից, տեղեկացնում է CNN-ը:

Չնայած որ մի քանի հռչակավոր անձինք դատարանին առաջարկել են վճարել Ասանժի գրավը, դատավորը վերջինիս մինչև դեկտեմբերի 14-ը կալանքի տակ է առել:

Դատավորը մի քանի անգամ կրկնել է, որ գործը «Wikileaks-ի մասին չէ», այլ երկու կանանց նկատմամբ իրականացված լուրջ սեռական հանցանքների մասին է:

Գրավը մերժելու որոշումը դատավորը պատճառաբանել է նրանով, որ Ասանժը մշտական բնակության հասցե չի տրամադրել դատարանին և քոչվորի նման է ապրում, և որ նա մեծ ֆինանսավորում ունի, որը նրա փախուստը դյուրին կդարձնի:

Ասանժը հրաժարվել է Շվեդիայի նհանձնվելուց, և դատարանն այժմ 21 օր ունի՝ որոշելու՝ հանձնարարել նրա էքստրադիցիան, թե ոչ:    

Այս ամենի մասին Ասանժի 20-ամյա որդին է իր կարծիքը հայտնել: Նա ասել է, որ մի քանի տարի է՝ հոր հետ չի հաղորդակցվել, բայց կոչ է անում իր հոր հետ արդար ձևով վարվել:

«Եկեք անենք ամեն ինչ, որպեսզի հորս հետ արդար և ապաքաղաքականորեն վարվեն»,- իր Twitter-ի էջում (կեղծանունը՝ somnidea) ասել է Դանիել Ասանժը: