Ծնունդների թիվը շատացել է նաև հեռավոր գյուղերում

Ծնունդների թիվը շատացել է նաև հեռավոր գյուղերում:Սեպտեմբերից մինչև նոյեմբերի 14-ը միայն Արծվաբերդ գյուղի ծննդատանը ծնվել է 17 երեխա: Անցած տարվա նույն ժամանակահատվածում այս ծննդատանը ծնվել էր 9 երեխա:

Ըստ ծննդատան մանկաբարձ-գինեկոլոգ Մանուշակ Աղաբեկյանի` մինչև տարեվերջ դեռ կլինեն  ծննդաբերություններ:«Մեր մոտ պայմանները լավ են, մասնագետները տարիների փորձառություն և համապատասխան կրթություն ունեն, ուստի ծննդաբերության համար գյուղից Բերդ ավան  տեղափոխվում են միայն հատուկ դեպքերում»:

Պետության կողմից անվճար ծննդօգնությունն ու 3-րդ երեխա ունենալու համար տրվող դրամական օժանդակությունը  ոգևորիչ է:Գյուղացիները մի զավեշտալի դեպք են պատմում. սկեսուրը հարսի հետ վիճել է, թե ինչու 3-րդ երեխան չի ունենում, որ պետության կողմից տրված գումարով  վերանորոգեն   տան տանիքը… Գայանե Ասրյան