Միշտ երազել եմ Հայաստանում համերգով հանդես գալ, թե չէ` միայն հարսանիքների կամ ծնունդների համար եմ եկել. Բասկով

Երեկ Ալ. Սպենդիարյանի անվան օպերայի և բալետի ազգային ակադեմիական թատրոնում համերգով հանդես եկավ ՌԴ  ժողովրդական արտիստ Նիկոլայ Բասկովը:

Նա Հայաստան էր ժամանակ ՀՀ առաջին տիկին Տիտա Սարգսյանի հրավերով: Համերգը նվիրված էր Մարտի 8-ին: Համերգին հնչեցին ինչպես հին ու սիրված, այնպես էլ նոր` դեռ չձայնագրված երգեր:

«Միշտ երազել եմ Հայաստանում համերգով հանդես գալ, թե չէ` միայն հարսանիքների կամ ծնունդների համար եմ եկել: Կարծում եմ` էլի կվերադառնամ Հայաստան` մենահամերգով»,- ասաց Բասկովը` շնորհավորելով նաև կանանց տոնը:

Ի դեպ, Բասկովը հայ հանդիսատեսին անակնկալ մատուցեց` կատարելով «Երևանի սիրուն աղջիկ» երգը։