Թրամփը տեղեկացրել է Իրանի վրա հարվածները վերսկսելու հնարավորության մասին

ԱՄՆ նախագահ Դոնալդ Թրամփը հրաժարվել է յոթ օրով հրադադար հաստատելու Իրանի առաջարկից և մերձավորներին հայտարարել է ամերիկյան Կոնգրեսի նոյեմբերյան ընտրություններից հետո Իրանին հարվածները վերսկսելու հնարավորության մասին: Այս մասին հայտնել է The Wall Street Journal թերթը, հաղորդում է ՏԱՍՍ-ը։

Աղբյուրի տեղեկություններով՝ Թրամփը մերժել է յոթօրյա հրադադարի վերաբերյալ Իրանի առաջարկը և օգնականներին հայտնել է, որ ակնկալում է Իրանի ռմբակոծությունների վերսկսումը նոյեմբերին կայանալիք միջանկյալ ընտրություններից հետո:

Ինչպես հստակեցվում է հրապարակման մեջ, Թրամփը սկեպտիցիզմ է հայտնում առ այն, որ Իրանը կկատարի իր պահանջները, և օգնականներին ասել է, որ հավանական է համարում ռմբակոծությունների վերսկսումը:

Նյութում հստակեցվում է, որ Թրամփը դեռ չի որոշել, թե որն է լինելու հնարավոր հարվածների մասշտաբը: Պարբերականի տեղեկություններով՝ ամերիկացի առաջնորդը չի ցանկանում վերսկսել լայնամասշտաբ ռազմական գործողությունների անցկացումը, մասնավորապես՝ ԱՄՆ-ում ռազմամթերքի պաշարների սպառման պատճառով: