Թրամփը Կոնգրեսին տեղեկացրել է ԱՄՆ-ի՝ ԱՀԿ-ից դուրս գալու մասին

ԱՄՆ նախագահ Դոնալդ Թրամփը Միացյալ Նահանգների Կոնգրեսին պաշտոնական ծանուցում է ուղարկել Առողջապահության համաշխարհային կազմակերպությունից (ԱՀԿ) երկրի դուրս գալու վերաբերյալ. այս մասին հայտնել է դեմոկրատ սենատոր Բոբ Մենենդեսը:

Իր թվիթերյան էջում սենատորը գրել է՝ սա «չի պաշտպանի ամերիկացիների կյանքը և (նրանց) շահերը», բայց կթողնի «Ամերիկային հիվանդ և միայնակ»: Բացի այդ, նա Թրամփի գործողություններն անվանել է «քաոսային և անհետևողական»:

Հիշեցնենք՝ մինչ այս Թրամփը հայտարարել էր, որ երկիրը դադարեցնում է հարաբերությունները ԱՀԿ-ի հետ: Նրա կարծիքով, կազմակերպությունը «հրաժարվել է անհրաժեշտ բարեփոխումների իրականացումից»: