Կոնգոյում Էբոլայից մահացածների թիվը հասել է 3699-ի

Կոնգոյում Էբոլա վիրուսից լաբորատոր հաստատված մահվան դեպքերի թիվը հասել է գրեթե 3700-ի։ Ինչպես հայտնում է ՏԱՍՍ-ը, այս մասին հայտնել է Կոնգոյի հանրային առողջապահության ազգային ինստիտուտը։

Վերջին 24 ժամվա ընթացքում Էբոլայից մահացել է ևս 23 մարդ՝ մահվան դեպքերի ընդհանուր թիվը հասցնելով 3699-ի։ Արձանագրվել է հիվանդության 7672 դեպք, ինչը նախորդ օրվա համեմատ 58-ով ավելի է։ Մահացության ցուցանիշը կազմում է 48,2%։

Ներկայում հիվանդության ախտանիշներ ունեցող ավելի քան 900 պացիենտ գտնվում է հիվանդանոցներում և բժշկական մեկուսարաններում։ Համաճարակն ընդգրկել է երկրի 26 նահանգներից 7-ը։

Էբոլայի համաճարակը ԿԴՀ-ում և Ուգանդայում սկսվել է մայիսի 15-ին՝ դառնալով Աֆրիկայում երբևէ գրանցված՝ հիվանդության ամենամահաբեր բռնկումներից երկրորդը։