Կոնգոյում էբոլա վիրուսի հետևանքով մահացածների թիվը հատել է 1000-ի սահմանը

Կոնգոյի Դեմոկրատական Հանրապետությունում էբոլա վիրուսի հետևանքով մահացածների թիվը հատել է 1000-ի սահմանը: Այս մասին տեղեկացնում է BBC-ն`վկայակոչելով տեղի առողջապահության նախարարության հայտարարությունը:

Երկրում էբոլայի համաճարակը սկսվել է դեռևս օգոստոսից: Այն պատմության մեջ, մահացության տեսանկյունից, երկրորդ ամենավտանգավոր վիրուսն է`ժանտախտից հետո:

Այս պահին երկրի տարածքում 50.000 գրանցված վարակակիր կա, որոնք ապրում են երկրի թե’ քաղաքային, թե’ գյուղական համայնքներում:

Թեև նշվում է, որ վիրուսի գլոբալ տարածման ռիսկը շատ քիչ է, այնուամենայնիվ, այն կարող է ներթափանցել Կոնգոյի հարևան երկրներ: Աֆրիկայում 2013-2016 թթ. վիրուսի հետևանքով մահացել է ավելի քան 11.310 մարդ: