Նիգերիայում բենզատարի պայթյունի հետևանքով մահացածների թիվը հասել է 150-ի

Երեքշաբթի ուշ երեկոյան Նիգերիայի հյուսիսում՝ Ջիգավա նահանգի Մաջիյա քաղաքում վառելիքի ցիստեռնը, մեկ այլ մեքենայի բախվելուց խուսափելով, շրջվել է և վթարի է ենթարկվել: Դրա մասին հայտնել է AFP-ն՝ վկայակոչելով տեղական իշխանություններին։

Վթարից հետո բնակիչները կուտակվել են շրջված տանկերի շուրջը՝ արտահոսող վառելիքը հավաքելու համար։ Տանկերի պայթյունի հետևանքով զոհվել է առնվազն 147 մարդ: 

Տեղական վարչակազմի նախագահ Համբալի Զարգան նշել է, որ տասնյակ զոհեր «այրվել են անճանաչելիորեն» և զգուշացրել, որ զոհերի թիվը, ամենայն հավանականությամբ, կաճի: Նրա խոսքով՝ մոտ 140 այլ տուժած բնակիչներ բուժվում են մոտակա հիվանդանոցներում: