Կոնգոյում Էբոլայից մահացածների թիվը հասել է 2786-ի

Կոնգոյի Դեմոկրատական ​​Հանրապետությունում Էբոլա վիրուսով վարակման հաստատված դեպքերի թիվը հասել է 5794-ի, իսկ հիվանդությունից մահացել է 2786 մարդ։ Այս մասին հայտնել է Կոնգոյի Դեմոկրատական ​​Հանրապետության Հանրային առողջության ազգային ինստիտուտը:

«Վերջին 24 ժամվա ընթացքում գրանցվել է վարակման 81 նոր դեպք և մահվան 42 դեպք, իսկ 24 մարդ ապաքինվել է։ Այսպիսով՝ համավարակի սկզբից ի վեր դեպքերի ընդհանուր թիվը հասել է 5 794-ի, իսկ մահվան դեպքերինը՝ 2 786-ի»,- նշվում է զեկույցում։

Ավելի վաղ Associated Press-ը հայտնել էր, որ Կոնգոյի Դեմոկրատական ​​Հանրապետության իշխանությունները սկսել են բնակչությանը պատվաստել Էբոլա վիրուսի դեմ։