Փարիզում անոմալ տապի պատճառով էլեկտրաէներգիայի տեղային անջատում է գրանցվել

Փարիզի կենտրոնում գտնվող Բորսայի հրապարակի շրջանը, որտեղ գործում է Ֆրանսպրես գործակալության կենտրոնակայանը, մնացել է առանց էլեկտրականության: Հայտնում է գործակալությունը։

Ինչպես հայտնում է Ֆրանսպրես գործակալությունը, սկզբում առանց էլեկտրամատակարարման է մնացել 449 բաժանորդ, որոնցից 238-ի համար էներգիայի մատակարարումը դեռևս մնում է ընդհատված:

Օպերատոր ընկերությունից հայտնել են, որ խափանումը տեղի է ունեցել անոմալ տապի ֆոնին. բարձր ջերմաստիճանը, ներառյալ՝ գիշերային ժամերին, հանգեցրել է ասֆալտի գերտաքացման և հավելյալ ծանրաբեռնվածության ստորգետնյա էներգացանցի վրա, ինչն էլ առաջացրել է սարքավորումների տեղային վնասումներ:

Ֆրանսիայում հունիսի կեսերից պահպանվում է անոմալ շոգը։

Շոգի պատճառով խափանվել է ուսումնական հաստատությունների աշխատանքը։ 

Եվրոպայում  անոմալ շոգը դարձել է մահերի պատճառ։