ՌԴ զինուժը վերահսկողության տակ է վերցրել Նիկոլաևկա բնակավայրը

Ռուսական բանակը վերահսկողության տակ է վերցրել ԴԺՀ-ի Նիկոլաևկա բնակավայրը։ Այս մասին հայտնում է ՌԴ պաշտպանության նախարարությունը:

««Հարավ» զորախմբավորման ստորաբաժանումները վճռական գործողությունների արդյունքում ազատագրել են Դոնեցկի Ժողովրդական Հանրապետության Նիկոլաևկա բնակավայրը»,- ասված է հաղորդագրության մեջ:

Ինչպես նշել են նախարարությունում, Ռուսաստանի բանակը անցած օրվա ընթացքում հատուցման զանգվածային հարված է հասցրել, այդ թվում՝ «Կինժալ» գերձայնային հրթիռներով, Ուկրաինայի ռազմարդյունաբերական համալիրի ձեռնարկություններին, ռազմական օդանավակայաններին, վառելիքային և տրանսպորտային ենթակառուցվածքների օբյեկտներին, որոնք օգտագործվում են Ուկրաինայի զինված ուժերի շահերի համար:

«Հարվածները հասել են նպատակին, բոլոր նշանակված օբյեկտները խոցված են»,-հայտարարել են ՌԴ պաշտպանության նախարարությունում։