ՌԴ ԶՈւ-ն վերահսկողության տակ է վերցրել ԴԺՀ-ի Վոզնեսենկա բնակավայրը. ՌԴ ՊՆ

Ռուսաստանի զինված ուժերի ստորաբաժանումները շարունակել են առաջխաղացումը դեպի Ուկրաինայի զինված ուժերի պաշտպանության խորքեր և վերահսկողության տակ են վերցրել ԴԺՀ–ի Վոզնեսենկա բնակավայրը: Տեղեկությունը հայտնում է ՌԴ պաշտպանության նախարարությունը։

««Կենտրոն» զորախմբի ստորաբաժանումները շարունակել են առաջխաղացումը հակառակորդի պաշտպանության խորքեր և ազատագրել Դոնեցկի Ժողովրդական Հանրապետության Վոզնեսենկա բնակավայրը»,- ասվում է հաղորդագրության մեջ։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։