ՌԴ ԶՈւ-ն վերահսկողության տակ է վերցրել Խարկովի մարզի Կոպանկի բնակավայրը

Ռուսական զորքը վերահսկողության տակ է վերցրել Խարկովի մարզի Կոպանկի բնակավայրը։ Այս մասին հայտնում է ՌԴ պաշտպանության նախարարությունը:

««Արևմուտք» զորախմբի ստորաբաժանումները վճռական գործողությունների արդյունքում ազատագրել են Խարկովի մարզի Կոպանկի բնակավայրը», - ասվում է հաղորդագրության մեջ:

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։