Ըստ ԳԹԿ-ի տնօրենի` չհավատարմագրված բուհի ընդունելության պատասխանատվությունը կրում է կառավարությունը

Հայաստանի ազգային ագրարային համալսարանը տևական ժամանակ չունի պետական հավատարմագրում: Համալսարանին շնորհված պետական հավատարմագրման թիվ 38 վկայականի վավերականության ժամկետն ավարտվել է 2025 թ. հունիսի 21-ին: 

Yerkir.am-ը հարցում էր ուղարկել Գնահատման և թեստավորման կենտրոնի տնօրեն Արմեն Փաշայանին` հասկանալու համար, թե ինչպես է ԳԹԿ-ն 2025 թ. կազմակերպել և 2026 թ. կազմակերպելու չհավատարմագրված բուհի ընդունելության քննությունները: 

Փաշայանը պատասխանել է, որ ԳԹԿ-ն բուհերի 2026-2027 ուստարվա ընդունելության գործընթացը կազմակերպում է ՀՀ կառավարության 19.03.2026 թ. թիվ 309 որոշման համաձայն: 

Այսպիսով, ԳԹԿ կենտրոնի տնօրեն Ա. Փաշայանը փաստել է, որ չհավատարմագրված ագրարային համալսարանի ընդունելության կազմակերպման ռիսկերն իր բոլոր հետևանքներով կրում է ՀՀ կառավարությունը: