Ուկրաինան ժամանակի ընթացքում կվերադառնա ԱՊՀ. Սերգեյ Լեբեդև

Ուկրաինան ժամանակի ընթացքում կվերադառնա Անկախ Պետությունների Համագործակցություն: Նման համոզմունք է հայտնել ԱՊՀ գլխավոր քարտուղար Սերգեյ Լեբեդևը:

«Ժամանակի ընթացքում, մենք համոզված ենք դրանում, Ուկրաինան կվերադառնա ԱՊՀ, ինչպես և Մոլդովան: Թող որ, գուցե ոչ այն ձևաչափով ու տեսքով, ինչպես նախկինում էր, բայց, այնուամենայնիվ, մենք միասին ենք»,-ասել է նա լրագրողներին:

2014 թվականին բազմիցս տեղեկություններ են հայտնվել Համագործակցությունից Ուկրաինայի հնարավոր դուրս գալու մասին, սակայն երկիրը պաշտոնական հայտ չէր ներկայացրել: 2018 թվականի մայիսին Ուկրաինան որոշում կայացրեց դադարեցնել մասնակցությունը ԱՊՀ համակարգող խորհուրդներին, իսկ նույն տարվա օգոստոսին փակեց իր ներկայացուցչությունը կազմակերպության կանոնադրական մարմիններում: 2019 թվականից սկսած՝ Ուկրաինան դուրս է եկել Համագործակցության շրջանակներում գործող մի շարք համաձայնագրերից: