Թուրքիայում օտարերկրյա միգրանտները դարձել են կառավարության քաղաքական գործիք

Մեկ այլ խնդիր այն է, որ միգրանտներն աշխատում են մասնավոր անվտանգության եւ հետախուզական ընկերություններում, ինչպիսիք են SADAT-ը: Երկրում միգրանտների թիվը հասել է գագաթնակետին 2021 եւ 2022-ականներին։ Ըստ այն ժամանակվա ներքին գործերի նախարար Սուլեյման Սոյլուի՝ 2022 թ-ին Թուրքիայում բնակվում է 5,5 միլիոն օտարերկրյա քաղաքացի։ Նրանցից 3,7 միլիոնը սիրիացիներ են, որոնք գտնվում են «ժամանակավոր պաշտպանության» տակ։ Նրանցից 193 293 մարդ ստացել է Թուրքիայի քաղաքացիություն։

Բացի սիրիացիներից, Թուրքիայում ապրում է շուրջ 1,4 միլիոն մարդ, որոնք ունեն կացության իրավունք տարբեր երկրներից: Եվս 318 հազար մարդ գտնվում է միջազգային պաշտպանոթյան ներքո։ Իհարկե, այդ 5,5 միլիոն օտարերկրացիների մեջ չեն մտնում նրանք, ովքեր անօրինական են։ Աֆղանստանցիները կազմում են 2024թ-ին Թուրքիայում ձերբակալված անօրինական միգրանտների ամենամեծ խումբը։ 2024 թ-ի սեպտեմբերի 12-ին միգրացիայի կառավարման վարչության կողմից թարմացված վերջին տվյալների համաձայն՝ տարվա ընթացքում մինչեւ սեպտեմբերի 12-ը ձերբակալված անօրինական միգրանտների ընդհանուր թիվը կազմել է 155 271 մարդ: Նրանցից 42 674-ը Աֆղանստանի քաղաքացիներ էին։ Այս թվերը զգալի սոցիալական եւ հասարակական սպառնալիք են ներկայացնում։ Անօրինական միգրանտների զգալի մասը, որոնք բաղկացած են Աֆղանստանի, Տաջիկստանի, Ղրղզստանի, Թուրքմենստանի, Պակիստանի, Բանգլադեշի եւ Իրանի քաղաքացիներից, մաքսանենգների կողմից թուրքական սահմանով տեղափոխվում են Էրզրում եւ Վան քաղաքներ: Աֆղանական միգրացիայի լուսանկարները, որոնք արդեն որոշ ժամանակ անցնում են Պակիստանը եւ Իրանի տարածքով ուղեւորվում Թուրքիա, ընդգծում են վտանգի չափը:

Թուրքիայում միգրանտներն աշխատում են այն ոլորտներում, որտեղ օգտագործվում են չգրանցված աշխատողներ, ինչպիսիք են թղթի հավաքումը, կարի արհեստանոցները, դաշտային աշխատանքները եւ շինարությունը: Չգրանցված միգրացիան շարունակում է մասամբ ժամանել այս ոլորտներում պահանջարկի պատճառով: Այս փուլում կարելի է փաստել՝ Թուրքիայի սահմանային քաղաքականությունը համարժեք չէ եւ, վերը թվարկված պատճառներով, երբեմն նույնիսկ իրենից ներկայացնում է ճշմարտությունը փակելու քաղաքակնություն: Այնուամենայնիվ, պետք է ընդունել, որ այն ստեղծում է անընդհատ աճող խնդիրներ՝ հանդիսանալով սոցիալական ռիսկ։ Այս հարցը պետք է լուծել ոչ միայն քաղաքական, այլեւ հումանիտար տեսանկյունից։

Արիֆ Ասիլըօղլու

Աղբյուրը՝ iarex.ru-ի

Թարգմանությունը՝ Գայանե Մանուկյանի