Հայաստանում դժվար հանդիպում է սպասվում, բայց նպատակը 3 միավորն է․ Ռադելիչ

«Ռիեկայի» կենտրոնական պաշտպան Ստեպան Ռադելիչը խոսել է «Նոայի» հետ կայանալիք խաղի մասին՝ կիսվելով իր սպասումներով։ Այս մասին տեղեկանում ենք armsport.am կայքից։

«Հայաստանում մեզ դժվար հանդիպում է սպասվում: Թիմի մարզավիճակն այժմ լավագույնը չէ, բայց մենք պատրաստ կլինենք և նպատակ ունենք վաստակել երեք միավոր: Հույս ունեմ, որ այս խաղը շրջադարձային կդառնա մեզ համար: Եվրոպական խաղերը միշտ տարբերվում են առաջնությունից, քանի որ դրանք առանձնահատուկ են:

Հանդերձարանում ամեն օր խոսում ենք, փորձում ենք ավելի համախմբվել, որովհետև միայն այդպես կարող ենք առաջ գնալ: Ամեն ինչ անում ենք, որպեսզի վերադառնանք հաղթանակների ճանապարհին, քանի որ մենք սովոր չենք նման իրավիճակի»,- նշել է Ռադելիչը:

Հանդիպման մեկնարկը 20։45-ին է։