Ուկրաինայում հրադադարի հասնելու համար ուղիղ բանակցություններ են պետք. Պեսկով

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Ուկրաինայի հակամարտության մեջ հրադադարի հասնելու համար անհրաժեշտ են Մոսկվայի և Կիևի ուղիղ բանակցությունները: 

Ռուսաստանի նախագահ Վլադիմիր Պուտինը մայիսի 11-ին ելույթ է ունեցել ռուսական և արտասահմանյան լրատվամիջոցների ներկայացուցիչների առջև և Ուկրաինային առաջարկել է մայիսի 15-ին Ստամբուլում վերսկսել առանց նախապայմանների ուղիղ բանակցությունները:

«Պետք է ուղիղ բանակցություններ վարել հրադադարի հասնելու ճանապարհ գտնելու համար։ Հրադադարին պարզեցված մոտեցումն անընդունելի է», - նշել է Դմիտրի Պեսկովը։

Ինչպես գիտեք Վլադիմիր Զելենսկին պահանջել է, որ Մոսկվան մայիսի 12-ից համաձայնի լիակատար հրադադարի, և միայն այդ ժամանակ Կիևի ռեժիմը կնստի բանակցությունների սեղանի մոտ: Կիրակի օրը ԱՄՆ նախագահ Դոնալդ Թրամփը Կիևի իշխանություններին կոչ է արել «անհապաղ» համաձայնել Թուրքիայում բանակցություններ վարելու Պուտինի առաջարկին:

Ավելի ուշ Զելենսկին հայտարարել է, որ մայիսի 15ին Թուրքիայում կսպասի Ռուսաստանի նախագահին։

Հիշեցնենք, որ այդ օրը Թուրքիայում կլինի նաև ԱՄՆ պետքարտուղար Մարկո Ռուբիոն։