Թուրքիան միակն է, որ ջանքեր է գործադրում Ուկրաինայում հրադադարի հաստատման համար

Ստամբուլում ռուս-ուկրաինական բանակցությունների անցկացումը ճիշտ ժամանակին արված որոշում է. Թուրքիան ուշադրությամբ հետևում է ուկրաինա-ռուսական երկխոսության գործընթացին և հենց սկզբից կապեր է հաստատել ինչպես Կիևի, այնպես էլ Մոսկվայի հետ։ Այս մասին երկուշաբթի օրը Լյուբլյանայում լրագրողներին ասել է Թուրքիայի Ազգային մեծ ժողովի (Խորհրդարանի) նախագահ Մուստաֆա Սենթոփը։

Նրա խոսքով՝ Թուրքիան միակն է, որ ջանքեր է գործադրում Ուկրաինայում հրադադարի հաստատման համար։

Թուրք խոսնակը ուշադրություն է հրավիրել թուրք նախագահ Ռեջեփ Թայիփ Էրդողանի «անձնական ներդրման« վրա Ուկրաինայում արյունահեղության դադարեցման գործում։ «Բոլոր քաղաքական գործիչները, պետական այրերը, մեր տարածաշրջանի և ամբողջ աշխարհի բնակիչները մաղթում են շուտափույթ զինադադար։ Բայց դրան հասնելու համար կարեւոր է երկու կողմերի հետ կապ հաստատել, համոզել, ի մի բերել։ Մեր նախագահը մեծ ջանքեր է գործադրել դրա համար գործընթացի հենց սկզբից»,- ասաց Շենթոփը։