կարևոր
4828 դիտում, 1 տարի առաջ - 2023-03-17 18:27
Աշխարհ

Իրանի ԱԳ նախարարը հայտարարել է, որ պատրաստ է օգնել Ուկրաինայում խաղաղության հասնելու հարցում

Իրանի ԱԳ նախարարը հայտարարել է, որ պատրաստ է օգնել Ուկրաինայում խաղաղության հասնելու հարցում

Իրանի արտաքին գործերի նախարար Հոսեյն Ամիր Աբդոլլահիանը հայտարարել է Իրանի պատրաստակամության մասին՝ օգնելու խաղաղության հասնել Ուկրաինայի հակամարտությունում։ Այս մասին հայտնում է Tasnim գործակալությունը։

ԵՄ ԱԳ նախարար Ժոզեպ Բորելի հետ հեռախոսազրույցում նա նշել է, որ «Իրանը միշտ աջակցել է խաղաղությանը, ոչ թե պատերազմին»։

Նա նաեւ Արևմուտքին կոչ է արել ստիպել Կիեւին դադարեցնել «անհիմն մեղադրանքներ» ներկայացնել Թեհրանի հասցեին եւ «պաշտոնական բանակցություններ» սկսել։

«Արեւմուտքը Իրանի հասցեին իր անհիմն մեղադրանքները կրկնելու փոխարեն, պետք է Ուկրաինային կոչ անի երկու երկրների քաղաքական եւ ռազմական պատվիրակությունների պաշտոնական հանդիպմանը ներկայացնել իր ապացույցները», - ասել է Իրանի արտգործնախարարը՝ մեկնաբանելով Ռուսաստանի կողմից իբր իրանական անօդաչուների օգտագործման մասին Կիեւի մեղադրանքները։

Իր հերթին Բորելը նշել է, որ բարձր է գնահատում Ուկրաինայում խաղաղության հաստատմանն ուղղված Իրանի ջանքերը։