Մյանմայում երկրաշարժի զոհերի թիվը գերազանցել է 1000-ը

Մյանմայում տեղի ունեցած երկրաշարժի հետևանքով զոհերի թիվը գերազանցել է 1002-ը, ևս 2376 մարդ տուժել է: Այս մասին այսօր հայտնել է Չինաստանի կենտրոնական հեռուստատեսությունը՝ հղում անելով Մյանմայի ԶԼՄ-ներին: Բազմաթիվ մարդիկ անհետ կորած են համարվում։

ՌԻԱ Նովոստիի թղթակիցը դեպքի վայրից հաղորդում է, որ Մյանմայի մայրաքաղաք Նայպիդոյում չեն աշխատում ինտերնետն ու էլեկտրականությունը, մարդկանց գտնելու համար իշխանությունները հատուկ տեխնիկա են օգտագործում։

Այսօր մայրաքաղաքի իշխանությունները խոշոր հատուկ տեխնիկա են օգտագործել մարդկանց գտնելու համար, որոնք դեռ կարող են գտնվել փլատակներում։ Փրկարարներն օգնում են ողջ մնացածներին, բայց շատերին արդեն մահացած են գտնում։