ՄԱԿ-ում Հայաստանը կունենա ՀՀ պաշտպանության հարցերով կցորդ

Հայաստանի հանրապետությունը ՄԱԿ-ում պաշտպանության հարցերով կցորդ կունենա։ Համապատասխան որոշուման նախագիծն այսօր ընդունվել է Կառավարության նիստի ժամանակ։ Նախագիծը մշակվել է ՀՀ պաշտպանության նախարարության կողմից:

«Նախագծի ընդունումը հնարավորություն կստեղծի ՀՀ պաշտպանության նախարարության համար ՄԱԿ-ում պաշտպանության հարցերով կցորդի միջոցով արդյունավետ աշխատանքի համար, կնպաստի ինստիտուցիոնալ կապերի հետագա ամրապնդմանը և զարգացմանը, ինչպես նաև ռազմական և ռազմաքաղաքական փոխգործակցության հնարավորությունների ընդլայնմանը»,- ասված է որոշման նախագծում:

Որոշման նախագծում նաև նշված է, որ ՄԱԿ-ում պաշտպանության հարցերով ՀՀ կցորդը, ով կիրականացնի միջազգային կազմակերպության հետ ռազմական և ռազմաքաղաքական համագործակցության համադրման և կորդինացման աշխատանքները, կամրապնդի երկկողմ փոխգործակցության մակարդակը, ինչպես նաև կներկայացնի համագործակցության հեռանկարային զարգացման վերաբերյալ առաջարկություններ: