Մոսկվան չի դիտարկում ԱՄՆ կողմից պատժամիջոցների չեղարկման դիմաց միջուկային սպառազինության կրճատման հնարավորությունը

Մոսկվան չի դիտարկում ԱՄՆ կողմից պատժամիջոցների չեղարկման դիմաց միջուկային սպառազինության կրճատման հնարավորությունը, հայտարարել է Ռուսաստանի նախագահի մամուլի քարտուղար Դմիտրի Պեսկովը, փոխանցում է «ՌԻԱ Նովոստի»-ն:

«Հիմա այդ հարցով որեւէ բանակցություն չի վարվում» ասել է նա՝ ընդգծելով, որ  Մոսկվան չի եղել «այդ սահմանափակման նախաձեռնողը» եւ մտադիր չէ «արտասահմանյան շփումների ժամանակ պատժամիջոցների հարցը բարձրացնել»:

Նախկինում ԱՄՆ նորընտիր նախագահ Դոնալդ Թրամփը Times-ի հետ հարցազրույցում հայտարարել է, որ մտադիր է միջուկային սպառազինության հարցով Ռուսաստանի հետ բանակցություններում բարձրացնել սպառազինության էական կրճատման հարցը: Նա նաեւ ասել է միջուկային զենքի հարցով համաձայնագրի դիմաց պատժամիջոցները չեղարկելու հնարավորության մասին: