Ռուսաստանը չի բացառել Կուբայում և Վենեսուելայում ռազմական ենթակառուցվածքների տեղակայման հնարավորությունը

ՌԴ փոխարտգործնախարար Սերգեյ Ռյաբկովը, խոսելով Կուբայում և Վենեսուելայում ռուսական ռազմական ենթակառուցվածքների տեղակայման հնարավորության մասին, ասել է, որ չի ցանկանում որևէ բան հաստատել կամ բացառել։

«Ես ոչինչ չեմ ուզում հաստատել, ես նույնպես ոչինչ չեմ բացառի»,- ասել է Ռյաբկովը RTVI-ին տված հարցազրույցում՝ պատասխանելով այն հարցին, թե արդյո՞ք հնարավոր է ռուսական ռազմական ենթակառուցվածքի տեղակայումը Եվրոպայից դուրս գտնվող երկրներում, օրինակ՝ Կուբայում կամ Վենեսուելայում:

ԱՄՆ-ն իր հերթին արձագանքել է ՌԴ-ի այս հայտարարությանը։ «Միացյալ Նահանգները վճռականորեն կգործի, եթե Ռուսաստանը փորձի ներխուժել Լատինական Ամերիկա և այնտեղ տեղակայել իր ուժերը»,- ասել է ԱՄՆ նախագահի ազգային անվտանգության օգնական Ջեյք Սալիվանը։