ԱՄՆ-ում հզոր փոթորիկների հետևանքով առնվազն 34 մարդ է զոհվել

ԱՄՆ Միսսուրի, Արկանզաս, Տեխաս, Օկլահոմա, Կանզաս և Միսիսիպի նահանգներում առնվազն 34 մարդ է զոհվել երկրի միջինարևմտյան և հարավային շրջաններին պատուհասած հուժկու փոթորիկների հետևանքով, հայտնում է NBC News-ը։

Փոթորիկների պատճառով ավելի քան 185․000 սպառող մնացել է առանց էլեկտրականության, 29 մարդ զոհվել և վիրավորվել է Արկանզասում՝ Օկլահոմայում անտառային հրդեհների հետևանքով:

Շուրջ 9 միլիոն մարդ տուժել է տորնադոներից, այդ թվում՝ Միսիսիպիում, Ալաբամայում և Թենեսիում։

82,8 միլիոն բնակիչ նախազգուշացվել է քամու հավանականության մասին, հատկապես երկրի կենտրոնական հատվածում: Կեսօրին ավելի քան 20 ահազանգ է ստացվել եղանակային անբարենպաստ պայմանների մասին։

Սպասվում է, որ անբարենպաստ եղանակային պայմանների սպառնալիքը կշարունակվի մինչև երեկո, իսկ փոթորիկները կշարժվեն դեպի արևելք և վաղը կհասնեն Արևելյան ափին: