կարևոր
2062 դիտում, 1 շաբաթ առաջ - 2024-04-02 17:19
Տարածաշրջան

Ստամբուլի բնակելի շենքերից մեկում բռնկված հրդեհի հետևանքով առնվազն տասը մարդ է զոհվել

Ստամբուլի բնակելի շենքերից մեկում բռնկված հրդեհի հետևանքով առնվազն տասը մարդ է զոհվել

Ստամբուլի կենտրոնում գտնվող բնակելի շենքերից մեկում բռնկված հրդեհի հետևանքով առնվազն տասը մարդ է զոհվել, 13 մարդ վիրավորվել է, հայտնում է նահանգի ղեկավարությունը, գրում է РИА Новости-ն։

Ստամբուլի Շիշլի թաղամասում 16 հարկանի շենքի առաջին հարկում գտնվող գիշերային ակումբում հրդեհ է բռնկվել, հայտնում է Hürriyet թերթը։ Ակումբը փակվել է սուրբ Ռամադան ամսվա կապակցությամբ։ Նշվում է, որ մինչ հրդեհը ակումբի բեմի մոտ «պայթյուն» է եղել։

«Հրդեհի պատճառն անհայտ է, առաջին հարկում վերանորոգման աշխատանքներ էին ընթանում, բոլոր զոհվածները նրանք են, ովքեր վերանորոգում էին գիշերային ակումբը», - ասել է Ստամբուլի նահանգի նահանգապետ Դավութ Գյուլը մամուլի հաղորդագրության մեջ։

Նա չի հաստատել հրդեհից առաջ պայթյունի մասին տեղեկությունները:

«Հրդեհի հետևանքով զոհվել է 10 մարդ, վիրավորվել՝ 13-ը, նրանցից 7-ի վիճակը ծանր է»,- հավելել է Գյուլը։

Ներքին գործերի նախարար Ալի Երլիկայան X սոցիալական ցանցում հայտարարել է, որ միջադեպի մասով հետաքննություն է սկսվել։