Պակիստանում ավտոբուսների բախման հետեւանքով առնվազն 11 մարդ է զոհվել

Առնվազն 11 մարդ զոհվել եւ եւս 9-ը վիրավորվել են Պակիստանի հյուսիս–արեւմտյան Մալաքանդ շրջանում տեղի ունեցած ճանապարհատրասպրոտային հատահարի հետեւանքով, հաղորդում է «Սինհուա» գործակալությունը։

Մալաքանդի կառավարական ներկայացուցչի տեղակալ Սայեդ Զաֆար Ալի Շահը հայտնել է, որ Շահիդ–Մորե տեղանքում բախվել եւ անդունդն են գլորվել երկու մարդատար ավտոբուսներ։ Վթարի պատճառը լեռնային նեղ ավտոճանապարհի վրա վարորդների ցուցաբերած անզգուշությունն է եղել։

11 մարդ, ներառյալ 5 կին եւ մեկ երեխա զոհվել են տեղում, 9 մարդ տեղափոխվել է հիվանդանոց։ Չի բացառվում, որ վթարի զոհերի թիվը կաճի, քանի որ վիրավորներից 5-ը ծայրահեղ ծանր վիճակում են։